Changamoto Zinazowakumba wahusika wa Kiume Katika Riwaya za Kiswahili

Kiswahiili , Fasihi na Lugha

IKISIRI Makala haya yanachambua changamoto zinazowakumba wahusika wa kiume katika riwaya ya Kiswahili. Mada hii ilichaguliwa kwa misingi kuwa suala la mwanamke limetafitiwa na watafiti wengi. Kukosekana kwa tafiti nyingi kuhusu jinsia ya kiume kumekuwa kukiathiri jamii kwa kuipa mitazamo kuwa jinsia ya kiume haikabiliwi na matatizo. Ili kufafanua changamoto zinazowakumba wahusika wa kiume, tutawarejelea waandishi mahuluti katika riwaya nne ambazo ni Mwisho wa Kosa, (1987) iliyoandikwa na Zainabu Burhani, Siku Njema, (1996) iliyoandikwa na Ken Walibora, Taswira za Mawingu, (2011) iliyoandikwa na Sinjiri Mukuba na Nguu za Jadi, (2021) iliyoandikwa na Clara Momanyi. Makala haya yanaegemea nadharia ya Mwanamume Mpya. Nadharia hii imetumika kueleza ni kwa nini baadhi ya wanaume hukaa na wake zao kwa usawa bila tabia za mfumo dume ambao huashiria kuwepo kwa taasubi ya kiume. Mbinu za utafiti zilizotumika ni usomaji wa riwaya teule kwa kina na uhakiki. Data iliyotumika katika makala haya ilitolewa maktabani. Maktabani, tasnifu, makala na vitabu vinavyohusiana na mada vilisomwa kwa kina. Uwasilishaji wa matokeo umefanyika kwa njia ya maelezo. Ni bayana kuwa utafiti huu utaifaa jamii ya wasomi wanaoshughulikia maswala ibuka katika jamii.

This work is licensed under a Creative Commons Attribution-ShareAlike 4.0 International License.