Kuchunguza Lugha Isiyostaha katika Hotuba za Kampeni za Uchaguzi Mkuu wa Mwaka 2020 Nchini Tanzania

Political Communication

Makala haya yalikusudia kuchunguza lugha isiyostaha ilivyojitokeza katika hotuba za kampeni za Uchaguzi Mkuu wa Mwaka 2020 nchini Tanzania. Lengo la Makala haya ni kubainisha lugha isiyostaha iliyojitokeza katika kampeni za Uchaguzi Mkuu wa Mwaka 2020 nchini Tanzania. Lengo la kubainisha lugha isiyostaha katika kampeni liliongozwa na Nadharia ya Staha ya mwaka 1981 inayohusishwa na Fraser na Nolen, inayosema kwamba kila taasisi ina miongozo na kanuni inayoeleza ni lugha ipi ina staha na lugha ipi isiyostaha, kwa kuzingatia Maadili ya Uchaguzi wa Rais,Wabunge na Madiwani Mwaka 2020 (Chini ya Kifungu cha 124A cha Sheria ya Taifa ya Uchaguzi, Sura ya 343). Kwa hiyo, katika muktadha wa kampeni, lugha isiyostaha ilikuwa ile inayokiuka maadili ya uchaguzi yaliyowekwa na Tume. Data za utafiti huu zilipatikana maktabani katika mtandao wa Youtube. Mbinu ya uchambuzi wa nyaraka ndiyo iliyotumika kukusanya data, kisha data hizo zilichambuliwa kiuelezi, ambapo imebainika kuwa lugha isiyostaha iliyojitokeza katika hotuba za kampeni za Uchaguzi Mkuu wa Mwaka 2020 nchini Tanzania ni: lugha inayodhalilisha, inayoeleza tuhuma zisizothibitika, inayoonesha kutotii maelekezo ya Tume ya Taifa ya Uchaguzi, lugha yenye kebehi, matusi, kashfa, uchochezi, kuzungumza mambo binafsi ya mgombea mwingine hadharani na lugha za jamii. Makala haya yanahitimisha kuwa hotuba za kampeni za Uchaguzi Mkuu wa Mwaka 2020 nchini Tanzania zilisheheni lugha isiyostaha ambayo kulingana na muktadha wa kampeni za uchaguzi ilikuwa inatumika kwa lengo la kushawishi wapiga kura. Aidha, Makala haya yanashauri utafiti mwingine unaweza kufanyika kuchunguza athari za lugha isiyostaha katika hotuba za kampeni za Uchaguzi Mkuu wa Mwaka 2020 nchini Tanzania.

This work is licensed under a Creative Commons Attribution-ShareAlike 4.0 International License.